8 فروری کو احتجاج ہوا تو ریاست 26 نومبر کی طرح حرکت میں آئے گی، محسن نقوی

لاہور:(خبر نگار)وزیر داخلہ محسن نقوی نے کہاہے پاکستان کا امریکی حکومت سے اچھا تعلق ہے، نتائج جلد دیکھیں گے،بانی پی ٹی آئی عمران خان کیلئے امریکہ سے کوئی کال نہیں آئی، مذاکرات کا بانی پی ٹی آئی سے پوچھیں وہ کیا چاہتے ہیں، پی ٹی آئی8فروری کے احتجاج پر نظر ثانی کرے،8 فروری کو احتجاج ہوا تو ریاست 26 نومبر کی طرح حرکت میں آئے گی۔

صحافیوں سے گفتگو کرتے ہوئے محسن نقوی نے کہا جلد ایف آئی اے میں تبدیلی نظر آئے گی،عوام کو پاسپورٹ کے اجرا کےلئے سہولت پہنچا رہے ہیں، نادرا ، پاسپورٹ حکام ملکر شہریوں کو سہولت فراہم کریں گے،امریکہ کےساتھ اچھے تعلقات ہیں، غیر قانونی و جعلی دستاویزات پر بیرون ملک جانے والوں کےخلاف کارروائی ہوگی ۔

وزیر داخلہ نے کہاسوشل میڈیا پر چلنے والی خبروں میں حقائق نہیں ہوتے، کوئی پاکستانی جائز طریقے سے بیرون ملک جاتا ہے تو خوشی ہوتی ہے،امیگریشن کاو¿نٹر پر تھوڑی سختی کرنی پڑ رہی ہے، سختی سے لوگوں کو تھوڑی پریشانی ہو گی،امریکہ میں کانگریس مینزسے ملاقاتیں مثبت رہیں،پاسپورٹ اتھارٹی بنے گی تومسائل حل ہوناشروع ہوجائیں گے، کچھ چیزیں حقیقت میں نظرآناشروع ہوگئیں۔