اسرائیل کو تسلیم کرنے کی سازش دفن کر دی ،فضل الرحمن

اسلام آباد: (بیورورپورٹ)امیر جے یوآئی فضل الرحمن نے کہاہے عوام کےساتھ ملکر اسرائیل کو تسلیم کرنے کی سازش دفن کر دی ،غزہ کی صورتحال اور القدس صرف فلسطینیوں نہیں امت مسلمہ کا مسئلہ ہے۔

ایرانی سفیر ڈاکٹر رضا امیری مقدم نے وفد کےساتھ فضل الرحمن سے ملاقات کی اور جے یوآئی سربراہ کی صحت و تندرستی کےلئے نیک خواہشات کا اظہار کیا،ملاقات میں ایران پاکستان تعلقات، علاقائی صورتحال بالخصوص غزہ میں جاری ناجائز صہیونی ریاست کی جارحیت پر تبادلہ خیال کیا گیا۔

ڈاکٹر رضا امیری مقدم نے کہا فلسطین کی حمایت پر جے یو آئی کی کاوشوں اور پاکستان بھر میں شایان شان غزہ یکجہتی مظاہروں پر سلام پیش کرتا ہوں۔

فضل الرحمن نے کہا قبلہ اول مسلمانوں کا قبلہ ہے، مسلمانوں نے ہی بار بار فتح کیا،عالم اسلام فلسطینیوں کی حمایت میں مضبوط آواز بلند کرے، خطے کے اہم ممالک پاکستان، ایران، ترکیہ، سعودی عرب اور ملائیشیا دفاع غزہ اور اسرائیل کےخلاف ٹھوس اقدامات اٹھائیں۔