مذاکرات کے قائل ، سیاسی دہشتگردی نہیں چل سکتی،عطا تارڑ

لاہور: (خبر نگار) وزیر اطلاعات عطا تارڑ نے کہا ہے مذاکرات کے قائل ہیں، سیاسی دہشتگردی نہیں چل سکتی، 9 مئی ناقابل معافی جرم ہے، ماسٹر مائنڈ کو سزا ضرور ملے گی

عوامی اجتماع سے خطاب کرتے ہوئے عطا تارڑ نے کہاسیاست کی آڑ میں ملک پر حملے،شہدا کی یادگاروں کو مسمار کیا گیا، بیرون ملک سے پاکستان کےخلاف ٹرینڈ چلائے جا رہے ہیں،انتشارو تقسیم کی سیاست پر یقین نہیں رکھتے، سیاسی جماعتیں بعد میں پاکستان پہلے ہے، اختلافات سیاستدانوں سے کریں، شہدا کےساتھ دشمنی کیوں کرتے ہیں۔

وزیر اطلاعات نے کہابانی پی ٹی آئی عمران خان کی حکومت میں مہنگائی عروج پر تھی، نواز شریف کی جماعت نے ملک میں مہنگائی کو کم کیا، معیشت کے تمام اعشارئیے مثبت ،سٹاک ایکسچینج بلند ترین سطح پر ہے، ملک میں منصوبے لگ رہے ہیں، غیر ملکی تاجر پاکستان آ رہے ہیں،مہنگائی مزید کم ہوگی، عوام کی مشکلات حل کریں گے، روپے کی قدر مستحکم ، ملک ترقی کی جانب گامزن ہے، پاکستان ہے تو سب ہیں، سیاسی دہشتگردی نہیں چلے گی، سیاست تہذیب و تمدن کے دائرے میں رہ کرکی جائے۔