نہیں ہوسکتا پاکستان جائے اوربھارت نہ آئے،محسن نقوی

لاہور،دبئی:(سپورٹس رپورٹر،ایم این پی)چیئرمین پی سی بی محسن نقوی نے کہاہے سب سے اہم پاکستان کی عزت ہے،چیمپئنز ٹرافی پر ہائبرڈ نہیں کوئی نیا فارمولہ لائیں گے،کوئی بھی فیصلہ برابری کی بنیاد پر ہوگا، نہیں ہوسکتا پاکستان جائے اوربھارت نہ آئے۔

صحافیوں سے گفتگو کرتے ہوئے محسن نقوی نے کہاوہ فیصلے کریں گے جو کرکٹ کےلئے بہترین ہوں اب بات صرف چیمپیئنزٹرافی نہیں ،لانگ ٹرم بنیادوں پر ہوگی کرکٹ کو جتوانا ہے ، نہیں ہوسکتا یکطرفہ معاملات چلتے رہیں ،معاملے کو ہمیشہ کےلئے حل کرنا ہے،چیمپئنز ٹرافی کےلئے پوری طرح تیار ہےں ،سکیورٹی سمیت تمام انتظامات کو حتمی شکل دےدی۔

چیئرمین پی سی بی نے کہاپاکستان آنے والی ٹیموں سٹیٹ گیسٹ کا درجہ دےکر فول پروف سکیورٹی فراہم کی جائے گی،پاکستان پر امن ملک اور قوم کرکٹ کے کھیل سے محبت کرتی ہے، کرکٹ شائقین چیمپئنز ٹرافی کے بڑے مقابلے کےلئے بے تاب ہیں،ہر ٹیم کو کھلے دل سے خوش آمدید کہتے ہیں، کرکٹ ،سیاست کو الگ الگ رکھنا ہے۔