وفاق کے پی میں سکیورٹی کیلئے ہر ممکن تعاون کےلئے تیار

اسلام آباد:(بیورورپورٹ)وزیر اطلاعات عطا تارڑ نے کہاہے وفاقی حکومت خیبرپختونخوا میں سکیورٹی کیلئے ہر ممکن تعاون فراہم کرنے کےلئے تیار ہے ،صوبے میں دانش سکول کے قیام اور معیاری تعلیم کے فروغ کیلئے اقدامات اٹھا رہے ہیں۔

گورنر خیبرپختونخوا فیصل کریم کنڈی اور وزیر اطلاعات عطا تارڑ کے درمیان ملاقات ہوئی،اہم امور پر تبادلہ خیال اورامن کیلئے مشترکہ کوششوں پر اتفاق کیا گیا۔

فیصل کریم کنڈی نے کہا خیبر پختونخوامیں نوجوانوں کو انتشاری سیاست سے دور رکھنے اور مثبت سرگرمیوں کی طرف راغب کرنے کےلئے اقدامات اٹھائے جائیں گے۔

عطا تارڑ نے کہا وفاقی حکومت خیبرپختونخوا میں سکیورٹی کیلئے ہر ممکن تعاون فراہم کرنے کےلئے تیار ہے،خیبر پختونخوا میں امن و امان کی بحالی وفاق کی ترجیحات میں شامل ہے، خیبرپختونخوا کے عوام بھائی ہیں، حق سے محروم نہیں کیا جائے گا۔