گنڈا پور،کنڈی ملاقات،امن کیلئے مشترکہ کوششوں پر اتفاق

پشاور: (بیورورپورٹ)گنڈا پور،کنڈی ملاقات،دونوں نے صوبے کی معاشی ترقی کےلئے قیام امن ،وفاق سے مسائل کے حل کیلئے مشترکہ کوششوں پر اتفاق کرلیا۔

گورنر فیصل کریم کنڈی اور وزیراعلیٰ علی امین گنڈا پور کی ملاقات گورنر ہاوس میں ہوئی،وزیراعلیٰ کا گورنر ہاوس پہنچنے پر فیصل کریم کنڈی نے پر تپاک استقبال کیا، امن و امان و متعدد دیگر مسائل و حقوق کے معاملات پر تبادلہ خیال کیا گیا۔

گورنر ،وزیراعلیٰ نے صوبے کی معاشی ترقی کےلئے قیام امن اور وفاق سے قیام امن کے مسائل کے حل کیلئے مشترکہ کوششوں پر اتفاق ،سکیورٹی کےلئے دستیاب وسائل کے حصول کےلئے متحد ہوکر کوششیں کرنے کے عزم کا اظہار کیا گیا،فیصل کریم کنڈی نے کہا مسائل کے حل کیلئے وفاقی حکومت سے رابطہ کروں گا، صوبے کے وکیل کا کردار ادا کروں گا۔