حق لینا جانتے ، 15 دن بعد بتاﺅں گا صوبہ،بجلی اور بٹن کس کاہے،گنڈا پور

پشاور:(بیورورپورٹ)وزیراعلیٰ کے پی علی امین گنڈا پور نے کہاہے عوام بجلی لوڈ شیڈنگ کے ذمہ داروں پر صبح ،دوپہر ،شام لعنت بھیجےں،اپنا حق لینا جانتے ہیں، 15 دن بعد بتاﺅں گا صوبہ،بجلی اور بٹن کس کاہے۔

نجی ٹی وی سے گفتگو کرتے ہوئے علی امین گنڈا پور نے کہاوفاق کے پابند یا غلام نہیں ،ایپکس کمیٹی اجلاس میں نہیں بلایا گیا ایسے ملک چلانا ہے تو کوئی مسئلہ نہیں،اپنی اصلاحات کر رہے ہیں، معیشت کو خود بہتر بنائیں گے، اتنی اہلیت ہے اپنے وسائل بروئے کار لا سکتے ہیں،وزیراعلیٰ نے کہاصوبے کے شیئر پر بالکل سمجھوتہ نہیں کریں گے،براہ راست سرمایہ کاری آنا وفاق کی خام خیالی ہے۔

دریں اثنا حکومتی رکن فضل الٰہی نے ہفتے سے گرڈ سٹیشن رحمان بابا کا کنٹرول سنبھالنے کا اعلان کردیا،اپنے ویڈیو پیغام فضل الٰہی نے کہاصبح 9 بجے گرڈ سٹیشن رحمان بابا کا بٹن میرے پاس ہوگا اور لوڈ شیڈنگ کا شیڈول جاری کروں گا۔