کمالیہ:THQہسپتال میں تھیلیسیمیا آگاہی سیمینار اور واک

کمالیہ :(نمائندہ مشرق) تھیلیسیمیا سے آگاہی کے عالمی دن کے موقع پر ٹی ایچ کیو ہسپتال کمالیہ میں سیمینار اور آگاہی واک کا اہتمام کیا گیا۔

تقریب سے خطاب کرتے ہوئے ڈی ایم ایس ٹی ایچ کیو ہسپتال کمالیہ ڈاکٹر میاں عدیل عارف نے بتایا کہ پاکستان میں ہر سال تقریباً 6 ہزار بچے تھیلیسیمیا کے ساتھ پیدا ہوتے ہیں۔ جن کو ساری زندگی مسلسل انتقال خون کی ضرورت ہوتی ہے، پاکستان میں خاندان میں شادیوں کے رواج سے اس بیماری میں اضافہ ہو رہا ہے۔ شادی سے پہلے مرد اور عورت کے خون کے ٹیسٹ ضرور کروانے چاہئیں، حکومت یہ تمام ٹیسٹ بالکل مفت کر رہی ہے۔ ایک سادہ سا خون کا ٹیسٹ آپ کے مستقبل کو اس بیماری سے بچا سکتا ہے۔ تقریب میں ڈاکٹر عذیر، ڈاکٹر عائشہ، ڈاکٹر گلشن، ڈاکٹر کنزہ، سٹاف نرسز اور پیرا میڈیکل سٹاف نے شرکت کی۔