بشریٰ کی عمران سے ملاقات نہ کرانے پر رپورٹ طلب

اسلام آباد: (بیورورپورٹ)عدالت نے بشریٰ کی بانی پی ٹی آئی عمران خان سے ملاقات نہ کرانے پر حکام سے رپورٹ طلب کر لی۔

بشریٰ کی اڈیالہ جیل میں بانی پی ٹی آئی سے ملاقات کرانے کے فیصلے پر عمل درآمد کرانے کی درخواست پر سماعت اسلام آباد ہائی کورٹ کے جسٹس میاں گل حسن اورنگزیب نے کی۔

جسٹس میاں گل حسن اورنگزیب نے کہا کہ ہم نے جیل ملاقات کی درخواست ہدایات کے ساتھ نمٹا دی تھی،عثمان گل ایڈووکیٹ نے کہا جی اسی عدالتی حکم پر عمل درآمد کی درخواست دی ہے۔

جسٹس میاں گل حسن اورنگزیب نے کہا آرڈر پر عمل نہیں ہوا تو توہین عدالت کی درخواست دائر کریں، ہم کارروائی کریں گے، عدالتی احکامات کو کیسے نظر انداز کیا جاسکتا ہے؟۔