الائیڈ سکولز واپڈہ ٹاﺅن کیمپس کی سالانہ تقریب تقسیم انعامات

گوجرانوالہ:(بیورورپورٹ) قائد اعظم کے خوابوں کی تعبیر کیلئے طلبہ کو دل وجان سے محنت کرنا ہوگی،والدین ،اساتذہ اور ہمارے علماءکرام پوری ایمان داری سے طلبہ کی تعلیم وتربیت کاعہد کرلیں توملک کی تقدیربدل سکتے ہیں۔ان خیالات کا اظہارکمشنر نیشنل ہیڈکواٹر بوائز سکاوٹ اسلام آبادصاحبزادہ سجاد مسعود چشتی، پیٹرن ممبر پنجاب بوائے سکاوٹ و چیئر مین ادارہ سید فاروق شاہ،فیضان ورک ایڈوکیٹ،صدر محافظ ٹاون طلال اللہ چوہدری ایڈووکیٹ نے الائیڈ سکولز واپڈہ ٹاﺅن کیمپس کی سالانہ تقریب تقسیم انعامات کے موقع پر گفتگو کرتے ہوئے کیا۔

مقررین نے مزید کہابچوں سے ہمار ا نرم مزاج اور محبت کا رشتہ ان کی تعلیم و تربیت پر اچھے اثرات مرتب کرتاہے،ہروقت کی ڈانٹ ڈپٹ سے طلبہ ذہنی دباﺅ کا شکار ہوکر اپنی خوداعتمادی کھودیتے ہیں جس سے ان میں چھپی صلاحیتیں دم توڑ جاتی ہیں،والدین اساتذہ اور علماءکرام ملکر رویوں میں بہتری کیلئے نسل نو کی تربیت پر خصوصی توجہ دیں۔