لاہور کا سفر 45منٹ میں،گوجرانوالہ موٹروے سے لنک

گوجرانوالہ:(چودھری توصیف احمد)صرف 5 ماہ کی ریکارڈ مدت میں گوجرانوالہ سیالکوٹ لاہور موٹر وے سے لنک،گوجرانوالہ ایکسپریس وے ٹریفک کےلئے کھول دیا گیا ۔

وزیر اعلیٰ پنجاب محسن نقوی نے گوجرانوالہ ایکسپریس وے کے میگا پراجیکٹ کا افتتاح کردیا ،گوجرانوالہ سے لاہور کا سفر صرف45 منٹ کا رہ گیا،جتنی دیر لاہور شہر سے ڈیفنس تک جانے میں لگتی ہے اتنی دیر میں گوجرانوالہ کے شہری لاہور پہنچ سکیں گے۔

محسن نقوی نے.2 15 کلو میٹر طویل دو رویہ سڑک ،ایکسپریس وے پراجیکٹ کا دورہ، معیار کا جائزہ لیا،تعمیراتی سرگرمیوں میں اعلیٰ معیار کی تعریف کی، ایف ڈبلیو او کی کارکردگی کو سراہا،گوجرانوالہ ایکسپریس وے پر روزانہ تقریباً 8500 گاڑیاں گزریں گی، ہزاروں مسافروں کو آرام دہ سفر کی سہولت حاصل ہو گی، وزیراعلیٰ نے 74 کلومیٹر طویل گوجرانوالہ سے کوٹ سرورانٹرچینج،حافظ آباد روڈ کا افتتاح بھی کیا،ایف ڈبلیو او حکام نے پراجیکٹ پربریفنگ دی۔