قوم کی جیب پر ڈاکہ مارنے والوں کی سیاست اب ختم ہونی چاہیے، سراج الحق

راولپنڈی:(بیورورپورٹ)امیر جماعت اسلامی سراج الحق نے کہاہے عدالتوں میں انصاف ہے نہ ہسپتالوں میں علاج ،پاکستان دنیا میں تماشا بن گیا،قوم کی جیب پر ڈاکہ مارنے والوں کی سیاست اب ختم ہونی چاہیے۔

راولپنڈی میں جلسے خطاب کرتے ہوئے سراج الحق نے کہا8 فروری کرپشن کے خاتمے کا دن ہے،کئی سال حکومت کرنےوالی جماعتوں سے پوچھنا عوام کا حق ہے،ملک میں ہر فرد حالات کی وجہ سے پریشان ہے،25، 25 سال حکومت کرنےوالوں نے صرف عوام کو غربت مہنگائی ،کرپشن کا تحفہ دیا،دنیا نے چاند پر قدم رکھ لیا اور ملک 2 خاندانوں کی سیاست میں پس رہاہے،8فروری کا دن 25کروڑ لوگوں کیلئے خوشحالی کا پیغام لےکر آئے گا۔

امیر جماعت اسلامی نے کہاتاجر، سماجی کارکنوں ،عام آدمی کو اوپر آنا چاہئے،نواز،زرداری کا فارمولہ ہے پیسہ مانگو اور کھاﺅ،پی پی ،ن لیگ کو ووٹ دینا ورلڈ بینک کو ووٹ دینا ہے ،ن لیگ ،پی پی کی مصنوعی لڑائی جعلی پولیس مقابلے جیسی ہے،کہتے ہیں پاکستان کو نواز دو،پاکستان کو نواز کی ضرورت ہے یا تعلیم یا زراعت کی؟8 فروری کو ن لیگ ،پی پی کی سیاست دفن کریں گے ،آج لاہور میں یکجہتی کشمیر مارچ کی قیادت کروں گا،حکومت ملی تو بطور وزیراعظم فلسطین جاﺅں گا۔