اکبر ایس بابر نے عمران خان کو مفاہمت کی پیشکش کردی

اسلام آباد:(بیورورپورٹ)پارٹی کو بچانے کیلئے اکبر ایس بابر نے عمران خان کو ملکر چلنے کی پیشکش کردی۔

پریس کانفرنس کرتے ہوئے اکبر ایس بابر نے کہا کالعدم قیادت کی طرف سے انٹرا پارٹی کے نام پر ناٹک رچانے کی کوشش کی گئی، انتخابات موخر کرنا خوش آئند ہے اگر نئے انٹراپارٹی الیکشن کے نام پر عمل جاری رکھتے تو پارٹی کو ناقابل تلافی نقصان پہنچتا، کوشش میں ہیں پی ٹی آئی کو جمہوری ادارہ بنایا جائے۔

اکبر ایس بابر نے کہاپارٹی خوبصورت خواب تھا جو ڈراونی حقیقت بن چکا،کچھ لوگ سمجھتے ہیں میں پی ٹی آئی کا دشمن ہوں، میں پی ٹی آئی کا سب سے بڑا دوست ہوں،پی ٹی آئی کے بانی چیئرمین کو پیشکش کر رہا ہوں اب آگے جانا ہے پارٹی کا شیرازہ بکھر چکا، مصالحتی راستے پرچلنے کی ضرورت ہے،آپس میں بیٹھ کر فریم ورک بنائیں گے۔