بلاول بھٹو آئیں!پنجاب کی ترقی دکھائےں گے،عطاءتارڑ

لاہور:( اپنے رپورٹر سے)رہنما ن لیگ عطا تارڑ نے کہاہے بلاول بھٹو مناظرے کا چیلنج دیتے پھر رہے ہیں آئیں! آپ کو پنجاب کی ترقی دکھائیں ،پی کے ایل آئی میںسہولیات دیکھیں گے تو ہوش اڑ جائیں گے اور آپ شرمندہ ہوں گے اگر ایسا نہ ہوا تو الیکشن سے دستبردار ہو جاﺅں گا۔

کارکنوں سے خطاب کرتے ہوئے عطا تارڑ نے کہا کراچی کا وڈیرہ ابن وڈیرہ لاہور آیا ،مقابلے میں نوازشریف کا ورکر ہے ،شیر چوتھی بار وزیراعظم بننے جا رہا ہے ،بلاول کے پاس انتشار و کرپشن کے علاوہ کوئی ایجنڈا نہیں ،8فروری کو این اے 127کے عوام بتائےں گے شیر تیر کا شکار کیسے کرے گا،آپ جہاں جہاں جائیں گے ہر حلقے میں نواز شریف کی ترقی کے نشان نظر آئیں گے۔

لیگی رہنما نے کہاپیپلزپارٹی والے تو کرپشن کے بادشاہ ہیں ،عوام کو 300یونٹ بجلی کیا دینی ہے یہ تو عوام کی جیب سے 300روپے بھی نکال لینے والے ہیں، نواز شریف نے کراچی کا امن ور وشنیوں کو بحال کیالیکن 15سال سے حکومت کرنے والوںنے شہر کو کھنڈر بنا دیا ۔