300یونٹ تک بجلی مفت،مہنگائی کاجن بوتل میں بند کرینگے،حمزہ شہباز

لاہور(اپنے رپورٹر سے)سابق وزیراعلیٰ پنجاب حمزہ شہباز نے کہا ہے 8 فروری کو ملک بھر میں شیر کی آواز آئے گی تو بجلی 100کی بجائے 300 یونٹ مفت دیں گے، مہنگائی کے جن کو بوتل میں بند کریں گے، بانی پی ٹی آئی نے معیشت کا دھڑن تختہ کیا، اپنی سیاست داﺅ پر لگا کر ملک کو دیوالیہ ہونے سے بچایا۔

این اے 118 میں انتخابی دفتر کے افتتاح کے موقع پر جلسہ عام سے خطاب کرتے ہوئے حمزہ شہباز نے کہاآئی ایم ایف پروگرام دوبارہ بحال کیا، چاہتے تو تماشہ دیکھتے رہتے اور ملک کیلئے کچھ نہ کرتے مگر 16 ماہ میں بھرپور محنت کر کے ملک کو بچایا، عوام نے 8 فروری کو سوچ سمجھ کر ووٹ ڈالنا ہے، شیر جیتے گا تو نوجوانوں کو لیپ ٹاپ، نوکریاں ملیں گی، ملک کی برآمدات بڑھانی ہیں، زرمبادلہ کمانا ہے، کسان خوشحال ہوگا تو ملک خوشحال ہوگا، اقتدار میں آئے تو انتقام نہیں لیں گے لیکن 190 ملین پاﺅنڈ ڈکیتی اور توشہ خانہ والوں کا احتساب کریں گے، کالا باغ ڈیم بنانے کا سنہری موقع گنوا دیا گیا لیکن اب ملکی سالمیت کے منصوبوں پر سمجھوتہ نہیں کریں گے۔