گوجرانوالہ، لوہا چور مافیا آہنی کراسنگ پل قسط وارکاٹ کر چوری کرنے لگا

گوجرانوالہ: (چودھری توصیف احمد)محکمہ ہائی وے و دیگر انتظامی اداروں کی مبینہ غفلت و لاپرواہی ، لوہا چور مافیا کا کارنامہ ‘گورنمنٹ بوائز ہائی سکول کے نزد جی ٹی روڈ پر نصب آہنی کراسنگ پل کو قسط وار کاٹ کر چرانے کا سلسلہ جاری ہے۔

شہریوں سمیت تاجروں ‘دوکانداروں ‘طلباءو طالبات اور خواتین کو سڑک کراس کرنیکی سہولت کو نشئی لوہا چور آہنی پل کو رات کے وقت کاٹ کاٹ کر لے جا رہے ہیں مگر کسی سرکاری اہم ادارہ کو ایسے عوامی و قومی مالی نقصان کی جانب توجہ کی فرصت نہیں جس کی وجہ سے سرکاری اداروں کی املاک کو مالی نقصان پہنچانے والے چوروں کے حوصلے بڑھتے جا رہے ہیں ۔ جبکہ متعلقہ محکمہ افسران نے بھی کبھی ایسے واقعات کا نوٹس نہیں لیا۔

شہریوں نے پرزور احتجاج کیساتھ متعلقہ اعلی حکام اور ضلعی انتظامیہ سے فوری نوٹس و کارروائی سمیت مرمت کا مطالبہ کیا ہے تاکہ شہریوں کو باحفاظت روڈ کراس کرنیکی سہولت حاصل رہے ۔