نوازشریف سے برطانوی ہائی کمشنر کی ملاقات، بریت پر مبارکباد

لاہور:(اپنے رپورٹر سے)سابق وزیراعظم وقائد ن لیگ نوازشریف سے برطانیہ کی ہائی کمشنر جین میریٹ نے ملاقات کی اورمقدمات سے بریت پر مبارکباد دی،ملاقات میں شہبازشریف ،مریم نوازبھی شریک تھیں،باہمی دلچسپی کے امور پر تبادلہ خیال کیا گیا۔

اس موقع پر نواز شریف نے کہا پاکستان ،برطانیہ کے درمیان مضبوط تعلقات دونوں ممالک کے مفاد میں ہیں،برطانیہ میں مقیم پاکستانی دونوں ممالک کی دوستی کو مزید مضبوط بنانے میں اہم کردار ادا کر رہے ہیں، پاکستان ،برطانیہ کے درمیان تجارت، سرمایہ کاری سمیت مختلف شعبوں میں تعلقات کا فروغ وقت کی ضرورت ہے۔

برطانوی ہائی کمشنر نے کراچی، لاہور اور اسلام آباد میں مختلف سیاسی جماعتوں سے اپنی ملاقاتوں سے آگاہ کرتے ہوئے کہا8 فروری کو اجتماعیت کے حامل انتخابات پاکستان کے مستقبل کیلئے اہم ہےں۔