فصلی بٹیروں کو عبرتناک شکست ہوگی، آصف زرداری

ملتان: (بیورورپورٹ)سابق صدر آصف زرداری نے کہاہے الیکشن میں فصلی بٹیروں کو عبرتناک شکست ہوگی۔

پیپلزپارٹی ملتان کے مقامی قائدین سے ملاقات میں گفتگو کرتے ہوئے آصف زرداری نے کہا پیپلزپارٹی عوامی طاقت سے 8 فروری کو کامیابی حاصل کرے گی،پارلیمنٹ کی مضبوطی میں ہی جمہوریت کی فتح ہے، بطور صدر تمام اختیارات پارلیمنٹ کو دیکر عوامی راج کی بنیاد رکھی۔

سابق صدر نے کہا فصلی بٹیرے الیکشن کے دنوں میں عوام کو بےوقوف بنانے آجاتے ہیں، فصلی بٹیروں کو عبرتناک شکست ہوگی،منشور مہنگائی ،بےروزگاری کا خاتمہ کرکے عوام کو خوشحال بنانا ہے، 26 جنوری کو میں اور چیئرمین بلاول بھٹو ملتان آئیں گے اور جلسہ عام سے خطاب کریں گے۔