لاہور ( اپنے رپورٹر سے) سابق وزیراعظم وصدر ن لیگ شہباز شریف نے کہا ہے نواز شریف تعمیر ترقی کے نئے سفر کا آغاز کریں گے، تاریخ ،وقت نے گواہی دی نواز شریف اور ساتھیوں نے ایمانداری، خلوص و محنت سے ملک وقوم کی خدمت کافریضہ سرانجام دیا،ان خیالات کا اظہار انہوں نے ملاقات کرنےوالے پارٹی رہنماﺅں سے گفتگو کرتے ہوئے کیا ۔
شہباز شریف سے ملاقات کرنے والوں میں رانا تنویر ، رانا مشہود ،علی خان، سردار اویس خان لغاری و دیگر رہنما شامل تھے۔
رہنماﺅں نے قائد نواز شریف کی وطن واپسی کے امور پر تبادلہ خیال کیااور تیاریوں پر بریفنگ دی، شہباز شریف نے پارٹی رہنماﺅں و کارکنوں کی کاوشوں کو سراہتے ہوئے کہا جذبہ قابل تحسین ہے،قوم کے اتحاد سے ہی ملک کو مسائل سے نکالا جا سکتا ہے۔
قوم کے اتحاد سے ہی مسائل کاحل ممکن ہے،شہبازشریف
















