پی ٹی آئی کے سابق ایم پی اے علی عباس گل آغا استحکام پاکستان پارٹی میں شامل

لاہور (نمائندہ خصوصی) شیخوپورہ سے پی ٹی آئی کے سابق ایم پی اے علی عباس گل آغا استحکام پاکستان پارٹی میں شامل ہو گئے،علی عباس گل آغا نے پارٹی صدرعبدالعلیم خان سے پارٹی سیکرٹریٹ میں ملاقات کرکے شمولیت کااعلان کیا۔

اس موقع پرعبدالعلیم خان نے کہاوطن عزیزکے مفاد کا بھرپورتحفظ استحکام پاکستان پارٹی کی ترجیح ہے،ملک و قوم کے 5برس ضائع ہوئے، 9مئی تشدد کی علامت کا دن بن چکا،عام آدمی ملک میں نئی قیادت اورپاکستان کوترقی و خوشحالی کی راہ پرگامزن دیکھناچاہتا ہے،استحکام پاکستان پارٹی عوامی امنگوں کے عین مطابق منشورلائے گی۔