اسلام آباد: بابر اعوان نے بیرون ملک مقیم پاکستانیوں سے متعلق شہباز شریف کے پلان کوفراڈقراردیدیا۔ انہوں نے کہا کہ حق رائے دہی کا حق بیرون ملک مقیم پاکستانیوں کا بنیادی حق ہے ، اپوزیشن کو آئین کے ساتھ چھیڑ چھاڑ نہیں کرنا چاہئے ، اپوزیشن لیڈر پارلیمنٹ میں آکر بات کریں ، پتلی گلی نہ نکلیں ، مذاکرات کے لئے دروازہ کھلا ہے ۔ پارلیمانی امور سے متعلق وزیر اعظم کے مشیر ڈاکٹر بابر اعوان نے اسلام آباد میں پریس کانفرنس سے خطاب کرتے ہوئے کہا کہ شہباز شریف نے دو بار پارلیمنٹ کی بالادستی کو تسلیم کرنے سے انکار کیا تھا۔حکومت پارلیمنٹ کو سپریم سمجھتے ہوئے قانون سازی کرناچاہتی ہے،پاکستانی جس بھی خطے میں ہوووٹ اس کا حق ہے۔شہباز شریف چاہتے ہیں کہ ایک کروڑ پاکستانیوں کو ووٹ کے حق سے محروم رکھا جائے۔بابر اعوان نے کہا کہ بیرون ملک مقیم پاکستانیوں کے بارے میں غیر مناسب بات کی گئی ، عمران خان نے تارکین وطن سے وعدہ کیا تھا کہ وہ ووٹ کے حق میں حصہ لیں گے ، اپوزیشن کو سودے بازی بند کرنی چاہئے۔وزیر مملکت فرخ حبیب نے کہا کہ شہباز شریف نے کہا تھا کہ میں ضامن ہوں ، میں نواز شریف کو واپس لاو¿ں گا ، آپ دوسروں کو مشورہ دے رہے ہیں ، شہباز شریف کو اپوزیشن لیڈر اصلاحات ہونے کا اخلاقی جواز نہیں ، کوئی دلچسپی نہیں صاف اور شفاف انتخابات میں ، انہیں وزیر اعظم کی حیثیت سے سب سے بڑی رکاوٹ نظر آتی ہے ، وہ عدالتی فیصلوں کو بھی قبول نہیں کرتے ، نواز شریف متحدہ بانی بن سکتے ہیں ، نیلسن منڈیلا نہیں بنسکتے ۔
#overseas Pakistanis #Babar Awan #Shahbaz Sharif #press conference #Islamabad #Imran Khan #Farrukh Habib
















