لاہور (کامرس رپورٹر) ایک معروف غیر ملکی فرم نے ملک کے گرڈ میں 200 میگاواٹ شمسی توانائی داخل کرنے کے منصوبے کا اعلان کیا ہے۔ جدید ترین ورٹیکس این ماڈیولز کی فراہمی کے ذریعے اس اقدام کو عملی جامہ پہنایا جائیگا۔ پاکستان کی توانائی کے پائیدار حل کی تلاش میں ایک اہم قدم ہے۔اس سلسلے میں معروف چینی کمپنی اہم پاکستانی کمپنیوں کے ساتھ تعاون کر رہی ہے اور اس نے شمسی توانائی کی پیداوار میں حصہ بڑھانے کیلئے مفاہمت کی کئی یادداشتوں پر دستخط کئے ہیں جس کا حتمی مقصد ایک پائیدار اور کم لاگت بجلی فراہم کرنا ہے، صارفین، 63 فیصد مہنگے تھرمل پروڈکشن سیگمنٹ کے مقابلے میں شمسی توانائی کا موجودہ دو فیصد حصہ نہ ہونے کے باعث ملک میں سب سے زیادہ بجلی کے نرخوں کی اصل وجہ ہے،اس وقت، بجلی کے نرخوں کو خطے میں سب سے زیادہ قیمتوں میں سے ایک سمجھا جاتا ہے، کیونکہ پاکستان بنیادی طور پر تیل پر مبنی تھرمل پاور پروڈکشن پر منحصر ہے، جو بہت مہنگا ہے، ٹرینا سولر مقامی کمپنیوں کے ساتھ مل کر کام کرے گا تاکہ شمسی توانائی کے حل کو فروغ دیکر اور سستی قابل تجدید توانائی پر مہنگی بجلی کی پیداوار پر پاکستان کا انحصار کم کرکے بجلی کی پیداوار میں انرجی مکس کے حصہ کو مضبوط کیا جا سکے۔ہمیں پاکستان کی سولر انڈسٹری میں کلیدی اسٹیک ہولڈرز کے ساتھ تعاون کرنے پر فخر ہے، جو خطے میں پائیدار توانائی کے حل کو آگے بڑھانے کیلئے اپنے عزم کا اعادہ کرتے ہیں۔ یہ معاہدات شمسی ٹیکنالوجی میں ٹرینا سولرکی قیادت اور پاکستان کو جدید ترین شمسی حل فراہم کرنے کیلئے ہماری لگن کو اجاگر کرتے ہیں۔ ٹرینا سولر ایشیا پیسیفک کے ذیلی علاقائی سربراہ ڈیو وانگ نے تبصرہ کیا۔ایک پریس ریلیز کے مطابق، ٹرینا سولر نے پاکستان کے معروف شمسی درآمد کنندگان کے ساتھ معاہدے پر دستخط کیے ہیں، جن میں میسول، دیوان انٹرنیشنل کے علاوہ سولر کمپنی زی سولر شامل ہیں۔ Mesol تجارتی اور صنعتی حصوں پر توجہ مرکوز کرتا ہے، سبز توانائی کیلئے ٹرینا سولرکے عزم کے مطابق ایم او یو کے تحت، ٹرینا سولر مختلف ایپلی کیشنز کیلئے 200 میگاواٹ کے ورٹیکس این ماڈیول فراہم کریگا جبکہ دیوان انٹرنیشنل کا مقصد ورٹیکس این ماڈیولز کے 200 میگاواٹ کے ساتھ اپنی صلاحیتوں کو بڑھانا ہے۔ اسی طرح کے ساتھ ٹرینا سولرکے تعاون میں 120ایم کے ماڈیولز کی فراہمی شامل ہے، جو Zi Solar کو اپنے صارفین کو جدید شمسی حل فراہم کرنے کے قابل بناتی ہے۔
معروف غیر ملکی فرم کا 200 میگاواٹ سولر انرجی پاکستان لانے کا اعلان
















