معیشت کیلئے بڑا بریک تھرو،آئی ایم ایف نے 70کروڑ ڈالر قسط کی منظوری دےدی

اسلام آباد:(بیورورپورٹ)پاکستانی معیشت کیلئے بڑا بریک تھرو،آئی ایم ایف نے 70کروڑ ڈالر قسط کی منظوری دےدی۔

عالمی مالیاتی فنڈز کے ایگزیکٹو بورڈ نے اقتصادی جائزے اور سٹینڈ بائی ارینجمنٹ معاہدے کی منظوری دیتے ہوئے پاکستان کو فوری 70 کروڑڈالر کی اگلی قسط جاری کرنے کا فیصلہ کیا۔

وزارت خزانہ کے مطابق آئی ایم ایف بورڈ میں 3 ارب ڈالرز کے قلیل مدتی قرض پروگرام کے تحت پہلا جائزہ کامیابی سے مکمل کیا گیا ،پاکستان کو دوسری قسط کے 70 کروڑ ڈا لر جلد مل جائیں گے۔

حکام نے کہا نگراں حکومت نے معاشی اصلاحات پر سختی سے عملدرآمد کیا اور خسارہ محدود کرنے کی بھرپور کوششیں کیں،اعلامیے کے مطابق ڈالرز ملنے سے زرمبادلہ ذخائر 14 ارب ڈالر تک پہنچ جائیں گے،رقم 3 ارب ڈالر کے سٹینڈ بائی ارینجمنٹ کے تحت دی جائے گی۔