غریب کیلئےسبسڈی ، شرح سود میں اضافہ نہیں ہوگا،حکومت نےIMF کو منا لیا

اسلام آباد(بیورورپورٹ)غریب کےلئے سبسڈیز جاری رکھی جائیں گی،شرح سود میں اضافہ نہیں ہوگا،حکومت نے آئی ایم ایف کو منا لیا،اہم پیشرفت مذاکرات میں ہوئی۔

ذرائع کے مطابق نگراں حکومت نے مہنگائی کنٹرول کے اقدامات پر عملدرآمد کی یقین دہانی کراتے ہوئے کہا پاکستان میں مہنگائی کی بڑھتی شرح کو کنٹرول کرنے کیلئے تمام اقدامات اٹھائے جائیں گے،مہنگائی کنٹرول کرنے کیلئے وفاق، صوبائی حکومتوںکو مشترکہ کوششوں کا پلان دےدیا، مہنگائی میں کمی کیلئے پرائس مانیٹرنگ کمیٹیاں مزید فعال بنائی جائیں گی۔

عالمی مالیاتی ادارے کو بریفنگ میں بتایا گیا مہنگائی کے بڑھنے کی شرح کنٹرول کرکے شرح سود کو قابو کیا جائے گا، سٹیٹ بینک کی جانب سے مانیٹری پالیسی کمیٹی کو کام کرنے کا بھرپور موقع فراہم کیاجائےگا۔