کالعدم ٹی ٹی پی ہمسایہ ممالک کیلئے خطرہ ہے، اقوام متحدہ

واشنگٹن(خواجہ فاروق) اقوام متحدہ نے سلامتی کونسل کو آگاہ کیا ہے کالعدم ٹی ٹی پی ہمسایہ ممالک کیلئے خطرہ ہے۔

اقوام متحدہ انسداد دہشتگردی دفتر (یو این او سی ٹی) کے سربراہ ولادیمیر وورونکوف اور انسداد دہشتگردی کمیٹی کی ایگزیکٹو ڈائریکٹر نتالیہ گرمن نے 15 رکنی کونسل کو بین الاقوامی امن و سلامتی کےلئے داعش کی طرف سے لاحق خطرے پرسیکرٹری جنرل کی 17 ویں رپورٹ پیش کرنے کے بعد بریفنگ دی۔

رپورٹ میں کہا گیا علاقائی رکن ممالک نے اطلاع دی نارتھ اٹلانٹک ٹریٹی آرگنائزیشن (نیٹو) کے ہتھیار جو عام طور پر سابق افغان نیشنل ڈیفنس و سکیورٹی فورسز کو فراہم کیے گئے تھے اب طالبان و القاعدہ سے وابستہ گروپوں جیسے کالعدم تحریک طالبان پاکستان اور داعش(خراسان) کو منتقل کیے جا رہے ہیں۔