واشنگٹن (مشرق نیوز) امریکہ کے مشہور گلوکار اور ریپر ”فیٹ مین سکوپ“ سٹیج پر ہزاروں مداحوں کے سامنے اچانک چل بسے۔غیر ملکی خبر رساں ادارے کی رپورٹ کے مطابق مشہور امریکی ریپر فیٹ مین سکوپ جو کہ اپنے اصل نام اسحاق فری مین تھری کے نام سے جانے جاتے تھے کا جمعہ کی رات کنیٹی کٹ میں ایک کنسرٹ میں پرفارمنس کے دوران سٹیج پر گرتے ہی انتقال ہوگیا۔نیویارک میں پیدا ہونے والے 53 سالہ گلوکار جو مسی ایلیٹ اور سیارا کے ساتھ 2005 کے ہٹ گانے ”لوز کنٹرول“ اور ماریا کیری کے ”اٹس لائک دیٹ“پر اپنے تعاون کیلئے مشہور تھے، کو فوری طور پر مقامی ہسپتال لے جایا گیا، جہاں انہیں مردہ قرار دے دیا گیا۔ فیٹ مین سکوپ نے برطانیہ اور آئرلینڈ میں 2003 میں”بی فیتھفل” کے دوبارہ ریلیز ہونے پر مقبولیت حاصل کی، جو کہ امریکی ہپ ہاپ جوڑی کروکلن کلان کے ذریعہ پروڈیوس کیا گیا تھا۔یہ گانا آسٹریلیا اور ڈنمارک میں بھی ٹاپ ٹین سونگز میں شامل ہوا۔ اس گانے کو عالمی سطح پر ریلیز کرنے کیلئے سالوں لگے کیونکہ اس میں مختلف گانوں کے بول شامل تھے۔سوشل میڈیا فوٹیج میں سکوپ کو ٹاو¿ن سینٹر پارک میں ہجوم کو متحرک کرنے کے دوران گرتے اور لوگوں کی نظروں سے غائب ہوتے دکھایا گیا ہے۔فوٹیج میں لوگوں کو ڈی جے سیٹ کی سکرین کے پیچھے فیٹ مین سکوپ کے سینے پر دباو¿ ڈالتے ہوئے دیکھا جا سکتا ہے۔فری مین کے ٹور منیجر، ڈی جے اور پروڈیوسر برچ مائیکل، جو پیور کولڈ کے نام سے مشہور ہیں، انہوں نے ہفتے کے اوائل میں فیس بک اور انسٹاگرام پر فیٹ مین اسکوپ کی موت کا اعلان کیا۔
مشہور امریکی گلوکار فیٹ مین سکوپ سٹیج پر ہزاروں مداحوں کے سامنے چل بسا
















