نوازشریف نے ذاتی خرچ پر ننھی عنایہ کا علاج کرادیا

لاہور:(ہیلتھ رپورٹر)سابق وزیراعظم وقائد ن لیگ نوازشریف 3سالہ عنایہ فاروق کی عیادت کےلئے ہسپتال پہنچ گئے،کمسن عنا یہ فاروق کے دل میں پیدائشی سوراخ تھا،والدین علاج کی سکت نہیں رکھتے تھے۔

قائد نواز شریف نے ننھی عنایہ فاروق کا ذاتی خرچ پر علاج کرایا،عنایہ فاروق کے دل کی کامیاب سرجری کے بعد نواز شریف نے ہسپتال جاکرآپریشن کی کامیابی پر مبارکباد دی۔

نواز شریف نے ننھی عنایہ سے گفتگو کرتے ہوئے کہا آپ کیسی ہوں، ٹھیک ہو نہ اب،خوشی سے والدہ عنایہ کی آواز بھرآ گئی انہوں نے کہا عنایہ دیکھو…… ببر شیر آپ سے ملنے آیا،قائد نواز شریف نے ننھی عنایہ کے گال تھپتھپا کر اظہار شفقت کیا۔