روزگار منصوبوں کےلئے ہر ممکن سہولیات فراہم کرینگے ،وزیراعظم

اسلام آباد: (بیورورپورٹ)نگران وزیراعظم انوار الحق کاکڑ نے تعلیم، صحت و دیگر شعبوں میں فلاحی منصوبوں کےلئے حکومت کی طرف سے یونیسیف کو تمام تر سہولیات فراہمی کے عزم کا اعادہ کرتے ہوئے کہا ہے پسماندہ علاقوں کے طلبا و طالبات کو ٹیبلٹس دینے سے جدید معلومات تک رسائی دینے سے ناخواندگی میں خاطر خواہ کمی لائی جا سکتی ہے،ان خیالات کااظہار انہوں نے پاکستان میں یونیسیف کے نمائندہ عبداللہ فاضل سے گفتگوکرتے ہوئے کیا۔

وزیراعظم انوار الحق کاکڑ نے کہاحکومت اور یونیسیف جیسے اداروں کے باہمی تعاون سے ملک میں انسداد پولیوپرعوامی روئیے میں مثبت تبدیلی دیکھنے میں آرہی ہے،نوجوانوں کےلئے روزگار پیدا کرنے کے منصوبوں کےلئے حکومت ہر ممکن سہولیات فراہم کرے گی۔