سیاسی جماعت کے آلہ کار کابیرون ملک پاکستان مخالف پروپیگنڈا بے نقاب

واشنگٹن(بیورورپورٹ)سیاسی جماعت کابیرون ملک پاکستان مخالف ایک اور پروپیگنڈا بے نقاب،بیرونی آلہ کاراوریوٹیوبرنے کانفرنس میں آئی ایم ایف پروگرام پر سوال اٹھادیئے۔

ذرائع کے مطابق ملکی سیاسی معاملات میں دخل اندازی کی ایک اور ناکام کوشش بے نقاب ہوگئی،بیرونی آلہ کارویوٹیوبرنے امریکہ میں کانگریس مین کے سامنے کانفرنس میں پاکستان کو آئی ایم ایف کے تحت ملنے والے 3ارب ڈالر پر اعتراضات اٹھا دئیے۔

سیاسی جماعت کے امریکی آلہ کار نے اعتراض اٹھایا سمجھنے سے قاصر ہوں بائیڈن انتظامیہ نے پاکستان کو 3 ارب ڈالر کیوں تحفے میں دیئے۔

یوٹیوبر بار بار سوال کرتا رہا امریکی سٹیٹ ڈیپارٹمنٹ پاکستان میں انسانی حقوق کی خلاف ورزیوں پر کیوں خاموش ہے؟ پاکستان پر دباﺅڈالنا چاہیے،سیاسی یوٹیوبر نے کانفرنس کاانعقاد کرنے پرڈاکٹر آصف محمود کا شکریہ ادا کیا ۔