وزیر صحت نے بیٹی کو HPV ویکسین لگواکر پروپیگنڈا مسترد کردیا


کراچی:(بیورورپورٹ)وفاقی وزیر صحت مصطفی کمال کابڑا اقدام، بیٹی کومیڈیا کے سامنے HPV ویکسین لگواکر بے بنیادپروپیگنڈا مسترد کردیا۔

پریس کانفرنس کرتے ہوئے مصطفی کمال نے کہاسروائیکل ویکسین کو لےکر گمراہ کن پروپیگنڈہ کیا جا رہا ہے، میں نے بیٹی رجا کمال کو سب کے سامنے ویکسین لگوا کر ثابت کیا ویکسین محفوظ ہے،30 سالہ سیاسی کیریئر کبھی اپنی فیملی کوسکرین پر نہیں لایا لیکن گمراہ کن افواہوں کو ختم کرنے کےلئے قدم اٹھایا،اپنی بیٹی کی طرح قوم کی تمام بیٹیاں عزیز ہیں، مقصد قوم کو بیماریوں سے محفوظ رکھنا ہے۔

وزیر صحت نے کہاپاکستان کے موجودہ نظام میں ہر پاکستانی کا علاج ممکن نہیں، لوگ ہسپتالوں میں داخل ہو کر وہیں رک جاتے ہیں، بیماریوں سے بچاو کےلئے ویکسی نیشن کو فروغ دینا ہوگا،کینسر صرف فرد نہیں بلکہ پورے گھرانے کو متاثر کرتا ، بچاو¿ ہی بہترین راستہ ہے۔