یقین رکھیں دہشت گردی کا سرکچلنے تک سکون سے نہیں بیٹھیں گے،وزیراعظم

راولپنڈی: (بیورورپورٹ)وزیر اعظم شہباز شریف نے کہا ہے فتنہ الخوارج کے خاتمے تک قانون نافذ کرنےوالے ادارے آپریشن جاری رکھیں گے، یقین رکھیں دہشت گردی کا سرکچلنے تک سکون سے نہیں بیٹھیں گے،گالی یا گولی کسی مسئلے کا حل نہیں، ریاست کوکمزورکرنےوالی کوئی بھی تحریک قبول نہیں، اپنے عمل سے ثابت کیا پاکستان پرامن ملک ہے،کسی ہمسائے کےخلاف جارحانہ عزائم نہیں ۔

یوم دفاع و شہداکی تقریب سے خطاب کرتے ہوئے شہبازشریف نے کہادہشتگردی، بدامنی کے خاتمے اور امن کےلئے پاکستان نے ہمیشہ مثبت کردار ادا کیا، قوموں کو خوشحالی کی منزل ہمیشہ امن کے راستے سے ملتی ہے،پاک فوج کا ہر جوان شوق شہادت کے جذبے سے سرشار ہے، آپ کی وردی ہر ماں، بہن، بیٹی کے سر کی چادر ہے اور وردی سبز ہلالی پرچم لہرانے کی علامت ہے،پاکستان ہم سب کا اور کئی تہذیبوں کا سنگم ہے، حفاظت، ترقی و خوشحالی مشترکہ ذمہ داری ہے ،ناقابل تسخیر دفاع اولین ضرورت ہے۔

وزیراعظم نے کہاعظیم ماو¿ں کو سلام پیش کرتا ہوں جنہوں نے اپنے لخت جگر وطن پر نثار کردئیے ،عظیم ماوں کے آنسو کی قسم کھا کر کہتا ہوںبہادر بیٹوں کی قربانیاں ہر گز رائیگاں نہیں جانے دیں گے، اپنی آزادی اورخودمختاری پرکوئی سمجھوتہ نہیں کریں گے، دہشتگردی کے خاتمے کےلئے قومی اتفاق رائے موجود ہے،ناسور کے مکمل خاتمے تک چین سے نہیں بیٹھیں گے،شہباز شریف نے کہاتمام ہمسایوں کےساتھ پرامن تعلقات کے خواہاں ہیں، قوموں کی تقسیم ریاست کوکمزور کرتی ہے، کشمیریوں ،فلسطینیوں کےلئے پاکستان آوازبلند کرتا رہے گا۔