فنون لطیفہ کا اہم باب بند، سینئر اداکار طلعت حسین دنیا سے رخصت،سپردخاک

کراچی:(بیورورپورٹ) فنون لطیفہ کا اہم باب بند، معروف اداکار، صدا کار اور ہدایت کار طلعت حسین طویل علالت کے بعد دنیا چھوڑ گئے۔

انتقال کی افسوسناک خبر صاحبزادی تزین حسین نے اپنے آفیشل انسٹاگرام ہینڈل کی پوسٹ کے ذریعے دی،نماز جنازہ کی ادائیگی کے بعدڈیفنس فیز 8 کے قبرستان میں سپرد خاک کردیا گیا۔

وزیراعظم شہبازشریف ودیگر نے اظہار افسوس کرتے ہوئے کہاطلعت حسین نے اپنی جاندار اداکاری سے فن کی دنیا اور شائقین کے دلوں میں جگہ بنائی،مرحوم کی ڈائیلاگ ڈیلیوری کا زمانہ معترف تھا،خدمات ہمیشہ یاد رکھی جائیں گی ،خلا کبھی پر نہیں ہو گا۔