پنجاب میں پہلا سرکاری کینسر ہسپتال بنانے کااعلان،علاج مفت ہوگا،مریم نواز


لاہور: ( خبر نگار)وزیراعلیٰ پنجاب مریم نوازنے ویلنشیا ٹاون کے قریب پنجاب کا پہلا کینسر ہسپتال بنانے کا اعلان کر دیا،مریم نوازنے ویلنشیا ٹاون کے قریب کینسر ہسپتال کی مجوزہ سائٹ کا جائزہ لیا،کینسر ہسپتال کی سائٹ پر بریفنگ دی گئی۔

وزیر اعلیٰ نے پہلا فیز ایک سال میں مکمل کرنے،کینسر ہسپتال کےلئے دنیا بھر سے بہتر ین سپیشلسٹ ڈاکٹر بلانے اورمریضوں کے تیمارداروں کیلئے ہوٹل بنانے کی ہدایت کردی،مریم نوازنے کہا پنجاب میں کینسر کے مریضوں کیلئے جدید ترین سرکاری کینسر ہسپتال بنائیں گے،کینسر کے مریضوں کا مفت علاج ہوگا،مریضوں کے علاج کیلئے بہترین ڈاکٹر وجدید ترین مشینری لائیں گے۔

دریں اثناوزیر اعلیٰ پنجاب نے اچانک وحدت کالونی میں بغیر شیڈول گورنمنٹ پائلٹ سیکنڈری گرلز سکول کا دورہ کیا،خاموشی سے جاکر کلاس کی طالبات کےساتھ بیٹھ گئیں ،سکول کی طالبات وزیر اعلیٰ کو اپنے درمیان دیکھ کر حیران و خوش ہوئیں، مریم نوازنے طالبات سے مضمون کے عنوان کے دریافت کیے، سکول میں درپیش مسائل ، ضروریات کا دریافت کیا ،گروپ فوٹو بنوایااور وزیٹر بک میں تاثرات درج کیے۔

مزید برآںمریم نوازنے نیومری پڑھنہ میں لینڈ سلائیڈنگ واقعہ پر نوٹس لیتے ہوئے متاثرہ علاقے میں فوری امدادی سرگرمیاں تیزکرنے کی ہدایت کردی ۔