پاکستانی اداکارہ عفت عمر نے خلیل الرحمن قمر کو چیلنج کر دیا

کراچی (مشرق نیوز) پاکستانی اداکارہ عفت عمر نے ڈرامہ نگار خلیل الرحمن قمر کو اپنی کہی ہوئی باتیں ثابت کرنے کیلئے چیلنج کر دیا۔عفت عمر حال ہی میں ایک نجی ٹی وی شو کا بطور مہمان حصّہ بنیں جہاں انہوں نے مختلف موضوعات پر اپنی رائے کا اظہار کیا۔ا±نہوں نے خلیل الرحمٰن قمر کے بارے میں پوچھے گئے ایک سوال کا جواب دیتے ہوئے کہا کہ وہ بہت چھوٹی سوچ اور تلخ مزاج کے آدمی نکلے اس لئے میں ان کے بارے میں کوئی بات نہیں کرنا چاہتی۔اداکارہ نے کہا کہ میں نے خلیل الرحمٰن قمر کی ذات پر کبھی کوئی بات نہیں کی مجھے ان کی صرف اس بات سے اختلاف ہےکہ ا±نہوں نے نیشنل ٹیلی ویژن پر بیٹھ کر گالیاں دیں اور یہ اختلاف صرف اس لئے نہیں ہے کہ انہوں نے گالیاں کسی عورت کو دیں بلکہ اگر ایسا وہ کسی مرد کے ساتھ کرتے تو بھی میرا یہی ردعمل ہوتا کیونکہ نیشنل ٹیلی ویژن پر بیٹھ کر آپ کسی کو گالیاں نہیں دے سکتے۔ انہوں نے خلیل الرحمن قمر کو چیلنج کرتے ہوئے کہا کہ ایک ٹی وی شو میں بیٹھ کر آپ یہ کہہ رہے ہیں کہ میں دو نمبر عورت ہوں، اگر آپ کے اندر ہمت ہے تو پھر آئیں اور میری دو نمبری ثابت کر کے دکھائیں۔