بجلی قیمتوں میں اضافے کیخلاف عوام مشتعل،مظاہرے،بل نذر آتش

لاہور،کراچی(خبر نگار،بیورورپورٹ)بجلی قیمتوں میں اضافے کیخلاف عوام مشتعل،احتجاجی مظاہرے،بل نذر آتش،کراچی میں کے الیکٹرک دفتر کاگھیراﺅ،عملے پر تشدد کیا گیا۔

بجلی کے بھاری بھرکم بلز دیکھ کر عوام کا پارہ ہائی ہوگیا،لاہور سمیت متعدد شہروں میں شہری سڑکوں پر نکل آئے،احتجاجی مظاہروں میں بل نذر آتش،حکومت کیخلاف شدید نعرے بازی کی گئی۔

کراچی میں ٹمبرمارکیٹ کے مکینوں نے کے الیکٹرک دفتر کا گھیراو کیا اور عملے کو تشدد کا نشانہ بنایا ،الیکٹرک عملے کو تاجروں نے کئی گھنٹے پکڑے بھی رکھا،مظاہرے میں شریک تاجر برادری نے بل ادا نہ کرنے کا اعلان کردیا۔

مظاہرین نے کہا بجلی آئے نہ آئے مگر بھاری بل ضرور ادا کرنا پڑتا ہے ،حکومت نے زندگی جہنم بنادی،ظالمانہ اضافہ واپس،مہنگائی کنٹرول کی جائے ورنہ احتجاج کادائرہ وسیع کردیں گے۔