بجٹ میں عوام کو بھرپور ریلیف دیں گے،اسحاق ڈار

اسلام آباد (بیورورپورٹ)سپیکر قومی اسمبلی راجہ پرویز اشرف سے وزیر خزانہ اسحاق ڈار نے پارلیمنٹ ہاو¿س میں ملاقات کی،ملک کی مجموعی معاشی و سیاسی صورتحال پر تبادلہ خیال کیا گیا ،سپیکر قومی اسمبلی نے معاشی استحکام کےلئے وزیر خزانہ ،ٹیم کی کوششوں کا سراہا۔

سپیکر قومی اسمبلی نے کہاملکی ترقی کےلئے سیاسی استحکام معیشت کی مضبوطی ناگزیر ہے،موجودہ اتحادی حکومت کی جانب سے معاشی مشکلات کے باوجود پٹرولیم مصنوعات کی قیمتوں میں کمی احسن اقدام ہے۔

وزیر خزانہ نے کہاموجودہ حکومت کو معاشی مشکلات ورثے میں ملیں، آئند ہ مالی بجٹ میں عوام کو ریلیف فراہم کرنے کےلئے ہر ممکن اقدامات اٹھائے جائیں گے،موجودہ معاشی ٹیم ملکی معیشت کو ترقی کی راہ پر گامزن کرنے کےلئے دن رات مصروف عمل ہے۔