وزیراعظم آزاد کشمیر چودھری انوارالحق نے حلف اٹھا لیا

مظفر آباد (بیورورپورٹ)وزیراعظم آزاد کشمیر چودھری انوارالحق نے حلف اٹھا لیا،نومنتخب وزیراعظم آزاد جموں و کشمیر انوارالحق کی تقریب حلف برداری میں اراکین اسمبلی، سیکرٹریز سمیت مختلف شعبہ ہائے زندگی سے تعلق رکھنے والی شخصیات نے شرکت کی۔

حلف اٹھانے کے بعد پہلا خطاب کرتے ہوئے وزیراعظم آزاد جموں و کشمیر چودھری انوار الحق نے کہا آزاد کشمیر میں سارا انفراسٹرکچر مخلوق خدا کی خدمت کیلئے ہے، بے حیائی سے ریاستی وسائل لوٹنے والوں کا حساب ہوگا،میں نے آزاد حیثیت اور پی ڈی ایم کی حمایت سے انتخاب جیتا، گفتگو سے کبھی تبدیلی نہیں آتی، اپنے عمل سے ثابت کرنا ہوگا۔