پاکستان میں مکمل امن واپس آئے گا،جنگ دہشتگردی کے مکمل خاتمے تک جاری رہے گی،آرمی چیف

راولپنڈی (بیورورپورٹ)سربراہ پاک فوج جنرل سید عاصم منیر نے کہاہے پاکستان میں مکمل امن واپس آئے گا۔
جنگ دہشتگردی کے مکمل خاتمے تک جاری رہے گی،آئی ایس پی آر کے مطابق آرمی چیف جنرل سید عاصم منیر نے پاک افغان بارڈر پر اگلے مورچوں کا دورہ کیا۔
آرمی چیف نے وانا میں یادگار شہدا پر پھول چڑھائے،آرمی چیف کو فارمیشن ہیڈ کواٹررز میں تربیت و سکیورٹی معاملات اور نئے بننے والے اضلاع میں ترقیاتی کاموں پر بریفنگ دی گئی۔
جنرل سید عاصم منیر نے فارمیشنزکی انسداد دہشتگردی کوششوں ،ترقیاتی منصوبوں کی تکمیل کیلئے بہتر سکیورٹی فراہم کرنے پر کارکردگی کو سراہا۔
آرمی چیف جنرل سید عاصم منیر نے گفتگو کرتے ہوئے کہا ترقیاتی کام ضم ہونیوالے اضلاع میں دیرپا امن، استحکام و ترقی کیلئے ضروری ہیں۔
دہشتگردی کے مکمل خاتمے تک جنگ جاری رہے گی،شہدا کی قربانیاں رائیگاں نہیں جائیں گی، پاکستان میں مکمل امن واپس آئے گا۔
آرمی چیف نے ریاست کے مختلف اداروں کے درمیان ہم آہنگی پر زوردیتے ہوئے کہادہشتگردی کے خاتمے کیلئے عوام اور اداروں میں ہم آہنگی بہت ضروری ہے۔