خانہ کعبہ کے کلید بردار صالح بن زین العابدین چل بسے،وزیراعظم کااظہار افسوس

جدہ،اسلام آباد(نمائندہ خصوصی،بیورورپورٹ)خانہ کعبہ کے محافظ اور کلید بردار ڈاکٹرصالح بن زین العابدین چل بسے،مرحوم طویل عرصے سے بیمار، خانہ کعبہ کے 109 ویں کلید بردار تھے، سعودی فرمانروا شاہ سلمان بن عبدالعزیز اور ولی عہد محمد بن سلمان نے ڈاکٹر صالح بن زین العابدین کے انتقال پر افسوس کا اظہار کیا۔

ادھر وزیراعظم شہبازشریف نے بھی خانہ کعبہ کے کلید بردار ڈاکٹر شیخ صالح الشیبی کے انتقال پر تعزیت و اظہارافسوس کرتے ہوئے کہاڈاکٹر شیخ صالح الشیبی کو خانہ کعبہ کا کلید بردار ہونے کا منفرد اعزاز حاصل رہا، قسمت پر ہر مسلمان ناز کرتا ہے ۔