اسرائیل کا لبنان میں ڈرون حملہ،سینئر حماس رہنما صالح العاروری شہید

بیروت:(مشرق نیوز)اسرائیل کالبنان میںڈرون حملہ ،حماس کے سینئررہنما صالح العاروری شہید ہوگئے۔

لبنانی میڈیا کے مطابق ڈرون حملہ جنوبی بیروت میں حماس کے دفتر پر کیا گیا، عمارت کو نقصان پہنچا اور متعدد گاڑیوں میں آگ بھڑک اٹھی،حماس کے سینئر رہنما اور پولیٹیکل آفس کے نائب صالح العاروری 2ساتھیوں سمیت شہید ہوگئے۔

صالح العاروری کا طوفان اقصیٰ کارروائی کے منصوبہ سازوں میں شمار کیا جاتا تھا،اسرائیل کی ہٹ لسٹ میں پہلے نمبر پر تھے،اسرائیلی میڈیا نے دعویٰ کیا حماس رہنما حزب اللہ کے سربراہ حسن نصرسے ملاقات کرنے والے تھے۔