فتنہ الخوارج سے مقابلے میں زخمی لیفٹیننٹ عزیر محمود ملک وطن پر قربان

راولپنڈی :(بیورورپورٹ)وادی تیراہ میںفتنہ الخوارج سے مقابلے میں زخمی ہونے والے لیفٹیننٹ عزیر محمود ملک وطن پر قربان ہوگئے۔

آئی ایس پی آر کے مطابق 9 اگست کو خیبر کی وادی تیراہ میں 3مختلف مقامات پر سکیورٹی فورسز ، خوارج کے درمیان فائرنگ کا تبادلہ ہوا،باغ کے مقام پر لیفٹیننٹ عزیر محمود ملک نے دستوں کی قیادت کرتے ہوئے بہادری سے مقابلہ کیا اور 4خوارج کو جہنم واصل کیاتاہم شدید فائرنگ کے تبادلے کے دوران شدید زخمی ہوگئے ،سی ایم ایچ پشاور میں زخموں کی تاب نہ لاتے ہوئے شہید ہوگئے، 24 سالہ لیفٹیننٹ عزیر محمود ملک ڈسٹرکٹ اٹک کے رہائشی ہیں۔

ترجمان پاک فوج نے کہاسکیورٹی فورسز ملک سے دہشتگردی کی لعنت کے خاتمے کےلئے پرعزم ہیں ،بہادر افسروںو جوانوں کی قربانیاں عزم کو مزید مضبوط کرتی ہیں۔