شہریوں کو صحت مند ماحول کی فراہمی ترجیح ہے: ظہیر انور جپہ

بہاولپور:(بیورورپورٹ)ڈپٹی کمشنر ظہیر انور جپہ نے اندرون شہر شاہی بازار اور دیگر مقامات کا اچانک دورہ کیا اوربہاولپور ویسٹ مینجمنٹ کمپنی کی جانب سے شاہی بازار میں صفائی ستھرائی اور دھلائی کے حوالہ سے جاری کاموں کا معائنہ کیا،چیف ایگزیکٹیو آفیسر بہاول پور ویسٹ مینجمنٹ کمپنی نعیم اختربھی ساتھ تھے۔

ظہیر انور جپہ نے کہا عید ایام میں لوگوں کو صاف ستھرے اورصحت مند ماحول کی فراہمی انتظامیہ کی اولین ترجیح ہے، سڑکوں، گلیوں اور عوامی مقامات پر دھلائی کا سلسلہ عید کے اختتام تک جاری رکھا جائے گا، انہوں نے عید ایام میں صفائی ستھرائی اور قربانی کے جانوروں کی آلائشیں بروقت تلف کرنے پر سینٹری ورکرز کو شاباش دی۔