شہید فوجی افسروں کی رہائشگاہ آمد،قوم فوج کےساتھ کھڑی ہے: وزیراعظم

چکلالہ،تلہ گنگ، اسلام آباد:(بیورورپورٹ،مشرق نیوز)وزیراعظم شہباز شریف دہشتگرد حملے میں شہید لیفٹیننٹ کرنل سید کاشف علی ،کیپٹن احمد بدر کے گھر چکلالہ ،تلہ گنگ گئے ،شہدا کی مغفرت اور اہل خانہ کیلئے صبر جمیل کی دعا کی اور زبردست خراج عقیدت پیش کیا۔

شہباز شریف نے کہا پاک فوج کے بہادر جوانوں و افسروں نے ملکی بقا کی خاطر اپنی جانوں کا نذرانہ پیش کیا، شہدا کے اہلخانہ پوری قوم کیلئے قابل فخر ہیں،پوری قوم ناسور کے خاتمے تک فوج کے شانہ بشانہ کھڑی ہے،وزیر دفاع خواجہ آصف ،وزیراطلاعات و نشریات عطا تارڑ بھی وزیراعظم کے ہمراہ تھے،اس موقع پر کیپٹن احمد بدر شہید کے والد نے کہا قوم مجھے میرے بیٹے کے نام سے پہچانے گی، بیٹے کی شہادت پر فخر ہے۔