9نومنتخب ایم پی ایز باضابطہ ن لیگ میں شامل،پہلے سے بڑھ کر خدمت کرینگے،شہبازشریف

لاہور: (اپنے رپورٹر سے)9نومنتخب ایم پی ایز باضابطہ طور پر ن لیگ کاحصہ بن گئے۔

سردار شمشیر مزاری،عمران اکرم، سہیل خان، خضر مزاری ،صاحبزادہ گزین عباسی ،خرم ورک،رانا فیاض،ذوالفقار شاہ،ثاقب چدھڑ نے شہبازشریف،مریم نواز سے ملاقات میںقائد نواز شریف پر اعتماد کا اظہار کرتے ہوئے ن لیگ میں شمولیت کااعلان کیا۔

صدر ن لیگ شہباز شریف نے آزاد اراکین کا پارٹی میں شمولیت کا خیر مقدم اور مبارک دیتے ہوئے کہا جذبے کو سراہتا ہوں، آپ پاکستان کو سنوارنے و عوام کو مشکلات سے نجات دلانے والے قافلے کا حصہ بنے ،اولین ایجنڈا ملک و قوم کی معاشی خوشحالی ہے، پہلے سے بھی بڑھ کر عوام کی خدمت کریں گے۔

مریم نواز نے کہافیصلہ عوام کی مشکلات کے حل کا ذریعہ بنے گا، آپ کا اعتماد عوام کو مہنگائی سے نجات دلانے میں نواز شریف کے ہاتھ مضبوط کرےگا۔