پاک بحریہ ،میری ٹائم سکیورٹی ایجنسی نے9بھارتی شہریوں کی جان بچالی

کراچی(بیورورپورٹ)کھلے سمندر میں بروقت امدادی کارروائی ،پاک بحریہ اور پاکستان میری ٹائم سکیورٹی ایجنسی نے 9بھارتی شہریوں کی جان بچالی۔

ترجمان پاک بحریہ کے مطابق سمندر میں پھنسی ایس اے ایس فائیو نامی کشتی کافنی خرابی کے باعث انجن مکمل طور پر بند ہو گیا، پاک بحریہ کے جوائنٹ میری ٹائم انفارمیشن اینڈ کوآرڈینیشن سینٹر کو سمندر میں پھنسی کشتی کی ہنگامی کال موصول ہوئی ،کشتی کی سرچ اینڈ ریسکیو کیلئے لانگ رینج میری ٹائم پٹرول ائیر کرافٹ ،پی ایم ایس ایس کشمیر کو مامور کیاگیا۔

ترجمان کے مطابق ریسکیو ٹیم نے کشتی کو تلاش کرکے تکنیکی مسئلہ دور کیا اور عملے کو طبی امداد دی، بھارتیوںنے پاک بحریہ اور میری ٹائم سکیورٹی ایجنسی کی بروقت کارروائی ،پیشہ وارانہ مہارت کو سراہا اور اپنی منزل کی جانب چلے گئے۔