شام جلد عرب لیگ میں واپس آجائے گا: اردن

عمان (مشرق نیوز) اردن کے وزیر خارجہ ایمن صفادی نے کہا ہے کہ شام کو جلد ہی عرب لیگ میں واپس آنے کے قابل ہونا چاہئے لیکن ملک کے دہائیوں سے زیادہ پرانے تنازعے کو حل کرنے میں بہت سے چیلنجز درپیش ہیں۔میڈیارپورٹس کے مطابق تنظیم نے 2011میں شام کی رکنیت اس بنا پر معطل کردی تھی کہ شامی صدر بشار الاسد نے بغاوت کے خلاف پرتشدد کریک ڈاﺅ ن کیا جو جو خانہ جنگی میں تبدیل ہوگیا تھا۔صفادی نے مزید کہا کہ شام کے پاس گروپ کے 22 ارکان میں سے کافی ووٹ تھے کہ وہ اپنی نشست دوبارہ حاصل کر سکیں۔شام کی لیگ میں واپسی علامتی طور پر اہم شمار ہوگی۔ تاہم یہ صرف ایک بہت ہی شائستہ آغاز ہوگا اور اصل میں 12 سال کے تنازع کے بعد بحران کی پیچیدگی کے پیش نظر یہ ایک بہت طویل، مشکل اور چیلنجنگ عمل ثابت ہوگا۔