اسلام آباد:(بیورورپورٹ) چیئرمین پی پی بلاول بھٹو زرداری نے کہاہے اپوزیشن پارلیمانی کمیٹیوں میں واپس آکرانتخابی اصلاحات کاحصہ بنے۔
قومی اسمبلی اجلاس میں اظہار خیال کرتے ہوئے بلاول بھٹو نے کہا اپوزیشن لیڈر پارلیمان کو مضبوط کرنا چاہتے ہیں تو اپنے اراکین کو کمیٹی میں بٹھائیں،حکومت کو اپنی ذمے داریاں پوری کرنی چاہئیں لیکن اپوزیشن کو بھی فعال کردار کی ذمے داری اٹھانا پڑے گی، آپ کے فنانس کمیٹی میں نہ بیٹھنے سے پارلیمان کمزور ہوا ، پارلیمان طاقتور ہے تو سب طاقتور ہیں،اپوزیشن سے درخواست اپنی طاقت کااستعمال کرنا شروع کریں، الیکٹرول ریفارمز پر کمیٹی بناتے ہیں لیکن اپوزیشن شریک نہ ہو تو پھر کیا فائدہ ؟۔
چیئرمین پی پی نے کہاپارلیمان کو غیر فعال رکھنے کے خواہشمندوں کا مقصد پورا ہوچکا، قائد حزب اختلاف سنجیدہ ہیں تو ملنے والا اختیار استعمال کریں،فضل الرحمن کی تقریر کے دوران موجود نہیں تھا،انتخابی اصلاحات کمیٹی کی حد تک تو اپوزیشن لیڈر اپنے اختیارات استعمال کریں،وزراہاو¿س کو پورے طریقے سے بریف کریں اور بتائیں کیا مشکلات ہیں ، ایران والے معاملے میں پاکستان کو کیا نقصان ہو سکتا ہے، دفاعی معاہدوں ،دہشتگردی والے ایشو پر بریف کیا جائے، انتخابی اصلاحات، دہشتگری اور دفاعی معاہدوں پر بریفنگ میں آپ کے نمائندے نہیں ہوں گے تو کیا فائدہ۔
اپوزیشن پارلیمانی کمیٹیوں میں واپس آکرانتخابی اصلاحات کاحصہ بنے،بلاول بھٹو
