قوم کو ایف سی کے جری سپوتوں پر ناز ہے،محسن نقوی

پشاور: (بیورورپورٹ)وفاقی وزیر داخلہ محسن نقوی نے کہاہے ایف سی کے افسروں ،جوانوں نے دہشتگردی کےخلاف جنگ میں بہادری کی داستانیں رقم کیں، قوم کو ایف سی کے جری سپوتوں پر ناز ہے۔

محسن نقوی نے فرنٹیئر کانسٹیبلری کے شب قدر قلعہ کا دورہ کیا،مختلف قدیمی حصے دیکھے،کمانڈنٹ ایف سی معظم جاہ انصاری نے قلعہ و زنجیروں میں جکڑے دروازوں کے تاریخی پس منظر پربریفنگ دی۔

وزیر داخلہ نے زنجیروں میں جکڑے قلعہ کے اصلی و قدیمی دروازوں میں گہری دلچسپی کا اظہار کیا،محسن نقوی نے برطانیہ کے سابق وزیر اعظم سر ونسٹن چرچل کا مجسمہ اور 1837 میں تعمیر ہونے والا دیار کی لکڑی کا ریسٹ ہاو¿س بھی دیکھا،تاریخی قلعہ کی دیکھ بھال پر کمانڈنٹ ایف سی ،ٹیم کی کارکردگی کو سراہا۔

محسن نقوی نے کہاقلعہ تاریخ سموئے ہوئے ہے، فرنٹیئر کانسٹیبلری کی پشاور سمیت خیبر پختونخوا میں قیام امن کیلئے گراں قدر خدمات ہیں، قوم کو ایف سی کے جری سپوتوں پر ناز ہے،بعدازاں محسن نقوی نے وزیٹرز بک میں تاثرات درج کئے۔