ایمرجنگ ایشیا کپ، بھارت نے پاکستان کو 7رنز سے ہرادیا

عمان:(ایم این پی )ایمرجنگ ایشیا کپ میں بھارت نے پاکستان کو 7رنز سے ہرادیا۔

بھارتی ٹیم نے پہلے بیٹنگ کرتے ہوئے مقررہ اوورز میں 8 وکٹوں کے نقصان پر 183 رنز بنائے،کپتان تلک ورما 44 رنز کےساتھ نمایاں بیٹر رہے ،ابھیشیک شرما نے 35 رنز کی اننگ کھیلی،شاہینز کی جانب سے سفیان مقیم 2 ،عمران اور زمان خان نے ایک ، ایک وکٹ حاصل کی۔

پاکستانی ٹیم مقررہ 20 اوورز میں 7 وکٹوں کے نقصان پر 176 رنز بناسکی اور بھارت نے 7 رنز سے کامیابی سمیٹ لی،گرین شرٹس کی جانب سے عرفات منہاس 41 رنز کی اننگ کھیل کر نمایاں بیٹر رہے۔