دنیا سرد جنگ کی متحمل نہیں ہوسکتی،نگران وزیراعظم کاجنرل اسمبلی میں خطاب

نیویارک(بیورورپورٹ) نگراں وزیر اعظم انوار الحق کاکڑ نے کہا ہے دنیا سرد جنگ کی متحمل نہیں ہوسکتی،دہشتگرد تنظیمیں افغانستان سے آپریٹ کررہی ہیں، پاکستان کو موسمیاتی تبدیلیوں کی وجہ سے بہت زیادہ نقصانات کا سامنا کرنا پڑا ،بحالی کیلئے 13 ارب ڈالرز کی ضرورت ہے۔

جنرل اسمبلی سے خطاب کرتے ہوئے نگراں وزیراعظم نے کہا حکومت اور عوام کی جانب سے اجلاس کے کامیاب انعقاد پر مبارک باد پیش کرتا ہوں،موسمیاتی تبدیلی و کورونا کی وجہ سے معاشی بحران پیدا ہوا، دنیا کو ملکر اقدامات کی ضرورت ہے۔

انوار الحق کاکڑ نے کہا دنیا سرد جنگ کی متحمل نہیں ہوسکتی کیونکہ سروں پر موسمیاتی تبدیلیوں کی آفت کھڑی ہے۔